வெள்ளம் பாதித்த தமிழகத்திற்கு சிறப்புக் கடனுதவி : பாரத ஸ்டேட் வங்கி அறிவிப்பு

வெள்ளம் பாதித்த தமிழக பகுதிகளில் சிறப்புக் கடனுதவிகளை வழங்குவது உள்ளிட்ட பல்வேறு ஏற்பாடுகளை நாட்டின் மிகப் பெரிய பொதுத் துறை வங்கியான ஸ்டேட் பேங்க் ஆப் இந்தியா அறிவித்துள்ளது.SBI Life மற்றும் SBI General Insurance ஆகிய தனது காப்பீட்டுப் பிரிவுகளில் எடுக்கப்பட்ட பாலிசிகளில் இழப்பீடு கேட்பவர்களுக்கு விரைந்து பணப் பட்டுவாடா செய்ய ஏற்பாடு செய்யப்பட்டுள்ளதாக வங்கியின் செய்திக் குறிப்பில் கூறப்பட்டுள்ளது. 


வீடுகள், வாகனங்கள், தனிப்பட்ட சொத்துக்களுக்கு ஏற்பட்டுள்ள பாதிப்புகள் கருதி, நவம்பர் மற்றும் டிசம்பர் மாதங்களில் வீடு, வாகனம் மற்றும் தனிநபர் கடன்களை தாமதமாக செலுத்தினால் அபராதம் ரத்து செய்யப்பட்டுள்ளதாக எஸ்பிஐ தெரிவித்துள்ளது.வீடு, வாகனப் பழுதுகளுக்காக தங்க அடமானக் கடன், சம்பள முன்பணக் கடன் ஆகிய சிறப்புக் கடன்கள் விரைவாக வழங்கவும் உத்தரவிடப்பட்டுள்ளதாக எஸ்பிஐ செய்திக் குறிப்பு தெரிவிக்கிறது. இதுபோன்ற வங்கிச் சேவைகள் தவிர்த்து, வெள்ளம் பாதித்த பகுதிகளில் வங்கியின் சார்பில் உணவு, குடிநீர், போர்வைகள், மருந்துகள் வழங்கும் நிவாரணப் பணிகளிலும் ஸ்டேட் பேங்க் ஆப் இந்தியா ஈடுபட்டுள்ளதாகவும் தெரிவிக்கப்பட்டுள்ளது.

Gadget

அன்புள்ள நண்பர்களே!, உங்கள் படைப்புகள், பயனுள்ள தகவல்கள், அரசாணைகள், கல்வித்துறை இயக்குனர்களின் செயல்முறைகள், பயனுள்ள படிவங்கள், Study Materials, கட்டுரைகள் மற்றும் கருத்துக்களை அனுப்பவேண்டிய மின் அஞ்சல் : "tnguru.com@gmail.com " . . . . தாங்கள் வருகைக்கு மிக்க நன்றி