இந்த ஆண்டுக்கான, சி.பி.எஸ்.இ., பாடத்திட்ட, பிளஸ் 2 தேர்வு முடிவுகள், வரும்26ம் தேதி வெளியாகலாம் என, எதிர்பார்க்கப்படுகிறது.
மத்திய அரசு பாடத் திட்டத்தின்படி, பள்ளித் தேர்வுகளை, நாடெங்கிலும், ஒரே மாதிரியாக, சி.பி.எஸ்.இ., நிறுவனம் நடத்துகிறது. இந்த ஆண்டுக்கான, பிளஸ் 2 தேர்வுகள், மார்ச் 1ல் துவங்கி, ஏப்ரல், 17ல் முடிவடைந்தது. 10 கோடியே, 29 லட்சத்து 874 மாணவ, மாணவியர் தேர்வெழுதினர். இது, கடந்த ஆண்டு தேர்வு எழுதியவர்களின் எண்ணிக்கையோடு ஒப்பிடுகையில், 9.32 சதவீதம் அதிகம்.இந்நிலையில், நேற்று டில்லியில், சி.பி.எஸ்.இ., நிறுவன வட்டாரங்கள் கூறியதாவது: தேர்வு முடிவுகளை வெளியிடுவதற்கான நடவடிக்கைகள் துவங்கியுள்ளன. வரும் 16ல், லோக்சபா தேர்தல் ஓட்டு எண்ணிக்கை நடப்பதால், சி.பி.எஸ்.இ.,க்கான, பிளஸ் 2 தேர்வு முடிவுகள், இம்மாதம் கடைசி வாரத்தில் வெளியிடலாமா அல்லது அடுத்த மாதம் முதல் வாரத்தில் வெளியிடலாமா என, பரிசீலிக்கப்பட்டு வருகிறது. பெரும்பாலும், இம்மாதம் 26ல், தேர்வு முடிவுகள் வெளியாக வாய்ப்புள்ளது. இவ்வாறு, அந்த வட்டாரங்கள் தெரிவித்தன.
