பள்ளி வாகனங்கள் சான்று ரத்து செய்து நடவடிக்கை

விதிகளை கடைபிடிக்காத, ஒன்பது பள்ளி வாகனங்களின் தகுதி சான்றை சப்-கலெக்டர் ரத்து செய்தார். 

விபத்துக்களை தடுக்க பள்ளி வாகனங்களில் பல்வேறு மாற்றங்கள் செய்ய அரசு உத்தரவிட்டது. அரசு விதிமுறைபடி பள்ளி வாகனங்களில் மாற்றம் செய்யப்பட்டுள்ளதா, என்பதை மூன்று மாதங்களுக்கு ஒருமுறை சப்-கலெக்டர் ஆய்வு செய்ய வேண்டும். 

மேட்டூர் தாலுகாவில் 221 பள்ளி வாகனங்கள் உள்ளன. இவற்றில் 35 வாகனங்கள் நேற்று ஆய்வுக்கு வந்தன. மேட்டூர் சப்-கலெக்டர் அனீஷ்சேகர் ஆய்வு செய்தார். வேக கட்டுப்பாட்டு கருவி பொருத்தாத, இருக்கை மோசமாக இருந்த, முதலுதவி பெட்டி இல்லாத, ஒன்பது பள்ளி வாகனங்களின் தகுதி சான்று ரத்து செய்யப்பட்டன.