அரசாணை எண்.237 Dt.22.7.2013 -தேர்வுநிலை/சிறப்பு நிலைக்கு கூடுதலாக 3 % ஊதிய உயர்வு அளித்தல் பற்றிய ஓர் விளக்கம்:

பல கேள்விகள்
1. 4300 தர ஊதியம் பெறும் இடைநிலை ஆசிரியர்கள் 1.1.2006 க்கு பிறகே தேர்வுநிலை பெற்றனர்.எனவே அவர்களுக்கு 3% உயர்வு உண்டா/
2.  5400 தர ஊதியம் பெற்று வரும் தலைமை ஆசிரியர்கள் ,பட்டதாரி ஆசிரியர்கள் தொடக்கப்பள்ளி தலைமை ஆசிரியர் பதவியில் 1.1.2006 க்கு பிறகே தேர்வுநிலை பெற்றனர்.எனவே அவர்களுக்கு 3% உயர்வு உண்டா/
3.  4300 தர ஊதியம்பெறும் ஆசிரியர்களுக்கு இல்லை என அரசாணையில் எங்காவது உள்ளதா ? பின்பு எப்படி இல்லை என்று கூறுகிறீர்கள்?
4 .1/1/2006 முதல் 31/5/2009 வரை தேர்வு நிலை /சிறப்பு நிலை பெற்றவர்களுக்கு மட்டுமே இவ்வாணை பொருந்தும் என்று சொல்கிறார்களே உண்மையா?

இத்தகு கேள்விகட்கு எல்லாம் ஓர் விளக்கம்

அரசாணையின் தலைப்பிலேயே "Grant of one additional increment of 3% of basic pay to employees on award of Selection Grade / Special Grade in the Revised Scales of pay" என்று குறிப்பிடப்பட்டுள்ளது. in the Revised scales of pay என்பது கவனிக்கப்படவேண்டிய ஒன்றாகும். 

அரசாணையின் முதல் பத்தியில் முந்தைய அரசானை 234 பற்றி கூறப்பட்டுள்ளது.

இரண்டாவது பத்தியில் சங்கங்களின் கோரிக்கை பற்றியும் குறைதீர்க்கும் பிரிவின் முடிவு பற்றியும் கூறப்பட்டுள்ளது. 

பத்தி 3 இல் 1.1.2006 முதல் நடைமுறைப்படுத்தப்பட்டுள்ள 

Revised scales of pay - இல் selection grade/special grade நிலையை அடையும் போது an additional increment benefit (3% + 3%) பெற அரசு வகை உத்தரவிட்டுள்ளது. 

நமது விளக்கம்:

31.12.2005 - இன் போது பணியில் இருந்தவர்கள் 1.1.2006 இல் புதிய விகிதத்தில் ஊதிய நிர்ணயம் செய்திருப்பார்கள். (தொகுப்பூதியதாரர்கள் 1.6.2006 இல் )

1.1.2006 அன்றுள் தேர்வுநிலை பெறாத இடைநிலை ஆசிரியர்கள் 5200 -20200 +G.P.2800 லும், 

தேர்வுநிலை பெற்ற இடைநிலை ஆசிரியர்கள் 9300 விகிதத்தில் G.P.4300 லும் வைக்கப்பட்டிருப்பர்.

இவ்வாறாக 1.1.2006 இல் புதிய ஊதிய விகிதத்தில் செய்யப்பட்ட ஊதிய நிர்ணயத்தை தொடர்ந்து 2800 தர ஊதியத்தில் உள்ள தேர்வுநிலை பெறாத இடைநிலை ஆசிரியர்கள், தேர்வுநிலை அடையும்போது தற்போது கூடுதலாக 3% INCREMENT பெற்று கொள்ளலாம். உதாரணமாக 2800 தர ஊதியத்தில் உள்ள ஒருவர் 2008 ஆம் ஆண்டு தேர்வுநிலையை அடைந்திருந்தால் அப்போது 3% INCREMENT பெற்றிருப்பார். அவர் தற்போது கூடுதலாக 3% INCREMENT சேர்த்து கணக்கிட்டுகொள்ளலாம். நிலுவைத்தொகை கிடையாது. பணப்பயன் 1.4.2013 முதல் பெறலாம்.

இதைபோல 1.1.2006 இல் தேர்வுநிலை பெற்று 9300 ஊதிய விகிதத்தில் 4300 தர ஊதியத்தில் ஊதியம் நிர்ணயம் செய்யப்பட்டவர்கள், அவர்கள் சிறப்புநிலை அடையும்போது கூடுதலாக 3% INCREMENT பெற்றுகொள்ளலாம். 

தொகுப்பூதியதாரர்களும் மற்றும் அதற்க்கு பின்னர் நியமிக்கப்பட்டவர்களும் தேர்வுநிலை அடையும்போது 3% + 3% INCREMENT பெற்றுகொள்ளலாம்.

சுருக்கமாக சொன்னால் REVISED SCALES OF PAY இல் தேர்வுநிலை/சிறப்புநிலை பெறுபவர்கள் 3% + 3% INCREMENT பெறலாம். 

OPTION அளித்து தேர்வு நிலை பெற்றவர்கள் கவனிக்க வேண்டிய முக்கிய அம்சம்:

OPTION அளித்து தேர்வுநிலை ஊதிய நிர்ணயமான 9300 + G.P. 4300 இல் ஊதியம் நிர்ணயம் செய்துகொண்டவர்கள் சிலர் நாங்களும் 1.1.2006 இக்கு பின்னர்தான் தேர்வுநிலை பெற்றோம் எனவே எங்களுக்கும் கூடுதலாக 3% உண்டா என்று கேட்கின்றனர். இல்லை என்றால் சங்கடப்படுகின்றனர். எனவே விளக்கம் கூற விரும்புகிறோம்.

உதாரணமாக 1.1.2008 இல் தேர்வுநிலை பெற்றவர்கள் 1.1.2006 இல் புதிய ஊதிய விகிதத்தில் ஊதிய நிர்ணயம் செய்யும்போது 5200 - 20200 + 2800 தான் பெற இயலும். எனவே அவர்1.1.2006 இல் புதிய ஊதிய விகிதத்தில் ஊதிய நிர்ணயம் செய்துகொள்ளாமல், 1.1.2008 வரை முந்தைய அதாவது பழைய ஊதிய விகிதத்திலேயே இருந்துவிட்டு 1.1.2008 இல் புதிய ஊதிய விகிதத்தில் தங்களது ஊதியத்தை நிர்ணயம் செய்துகொண்டிருப்பார். 

இங்கு கவனிக்கவேண்டியது என்னவென்றால் OPTION அளித்தவர்கள் பழைய ஊதிய விகிதத்தில் தான் தேர்வுநிலை பெற்று, பின்னர் புதிய ஊதியத்திற்கு வருகின்றனர். இவர்கள் அடுத்ததாக சிறப்புநிலை பெறும்போதுதான் கூடுதலாக இந்த 3% பெற இயலும்.

இதேநிலைதான் தொடக்கப்பள்ளி தலைமை ஆசிரியர் தேர்வுநிலை பெற்றபின்னர்தான் ஊதிய நிர்ணயம் செய்து 5400 தர ஊதியம் பெற்றனர்.எனவே அந்நாளிலிருந்து 10 ஆண்டுகள் முடித்தபின்பு அப்பதவியிலேயே தொடர்ந்து இருந்தால் சிறப்புநிலைக்கு கூடுதல் 3% சதவீதம் உண்டு

1/1/2006 முதல் 31.5/2009 வரை உள்ளோருக்கு மட்டும் தான் என்பது அபத்தமானது .1/1/06 முதல்புதிய திருத்திய ஊதிய விகிதத்தில் இன்று வரையிலும்(ஏற்கனவே 3% ஊதிய உயர்வு பெற்றவர்களுக்கும்), இதற்குமேல் வரும் ஆண்டுகளிலும் தேர்வுநிலை சிறப்பு நிலை பெறப்போவர்களுக்கும் உண்டு

 அன்புடன் கே.பி.ரக்‌ஷித்.

Source : http://taakkootani.blogspot.in